Zun neu´n Juhre  ( zum anhören)

A neues kimmt – a aales gitt.
Und wenn´ch´s ees amol raajcht besitt:
Woaas is gewaast ? Woaas woar´sch´n nu ?
Do sois de goar ne vill derrzu,

De Juhre gihn, de Juhr kumm;
und wie se senn, warrn se genumm.
Moanchmol, do leeft de Fuhre gutt;
a andermoal wird imgeschutt.
Hoot´ch goar de Zihne eigeklemmt;
de Koarre wird ne eigehemmt.
Oack wetter gitt´s mit „hutte hüh!“
und tutt dar Plautz o noa su wih.
Fängst wieder´sch Juhr vu vurne oaa;
machs dch an de neue Fuhre droaa
und weßt ne – wenn´s de Drähe nimmt - 
ob schunnt de letzte Fuhre kimmt…

Drum hill dch derrzu ! Mach derr ann Spoaß !
Wenn´s raajnt, wird´s vu oalleene noaaß.
Oack immer munter roaa a´n Spaajk,
kenn Arger ieber jedn Draajk !
´s is uff der Walt genung schunn schlaajcht – 
mach du oack deine Sache raajcht !

^{Herbert Andert  (* 1910  † 2010 Ebersbach/Sa.)}